Üsers Jahr in 12 Highligts

Highlight 1 – Zämä choche

Teilwis chli chaotisch gsi und Profis simmer glaub au nöd. Für Chefchöch hetts aber glangget. Jedes mol mega süess und lustig gsi egal ob nur mir zzweite oder mit de ganze Gruppe

Highlight 2 – Skifahre

Mega lustig sgi, mit dir im letschte Winter, zämä chöne go Skifahre. Egal ob mit zzweite oder mit em Elija und de Ladina. Obwohls teilwis chli gföhrlich gsi isch für Lüt wo in de nöchi vo ü gsi sind, isch es mega cool und lustig gsi. ...Leider hemmer do kei Bilder dervo gmacht

Highlight 3 – Fasnacht

Im Februar zämä mit dir and Fasnacht. D'Perücke hett di zwar chli gnervt und Fotis hemmer au nöd au masse gmacht. Trotzdem Super lustig gsi

Highlight 4 – Thermalbad

Im Früehlig hemmer den de erst richtig USflug zeme gmacht. En mega gmüetliche und entspannte Tag. Z'erst zämä go zmörgele in Bad Ragaz, denn go relaxe ins Thermalbad und zum Schluss no go fötele in Park

Highlight 5 – Firmig und Kantiball

Mega schön sind die beide Aläss gsi. I han zwar bi de Fotis nöd so glueget wie i hett sölle. Aber trotzdem hanis mega schöne gfunde die spezielle Moment mit dir dörfe zteile.

Highlight 6 – Doppeldate

Mitem Elija und de Ladina zvierte Sache zmache isch au immer mega cool gsi. Ob zämä Choche, oder in Trampolinpark zgo. Immer e chli wild aber mega entspannt. D'Witz sind nie z'churz cho und au au mitem Iven und de Alina isches nie langwilig worde...

Highlight 7 – 6 Mönet und Esse im Cosanostra

Und denn isches scho Halbziit gsi. 6 Mönet zämä. Pasta im Cosa Nostra mega fei gsi und i han nebedbi no glernt Nudle esse ohni schniide

Highlight 8 – Long Distance für fast 8 Wuche

Und denn isches härt worde. Mir hend üs fast 8 Wuche nüme gseh. Für üs hett das fast 2 Mönet Long Distance gheisse. Teilwiis het üs die Halb Erde trennt, trotzdem hemmer die schwiirigi Ziit duregstande und hends nocher nurno schöner ka.

Highlight 9 – Zämä an See

Wo mer üs denn endlich wieder gseh hend, simmer natürlich viel an See zämä. Obwohl de See e chli chalt gsi isch 😉.

Highlight 10 – Usflug ins Tessin

Eine vo mine persöhnliche Highlights das Johr - e mega schöne Usflug mit dir gsi, wo mir eifach hend chöne gnüsse und so mega viel zämä erlebt hend.

Highlight 11 – Usflug uf Konstanz

An dem Tag hend mir üs vo gar nüt ablenke lo. Mir hend üs zzweite eifach en mega schöne Tag gmacht. Go shoppe, käffele, an Wiehnachtsmärt und mega fein go esse 😋

Highlight 12 – Üsers erste volle Jahr

UNd denn isches eifach scho sowiit gsi - es Johr isch ume und i dörf dich sit über 365 Täg mini Fründin nenne. Es isch krass wie schnell die Ziit vergange isch. Mir hend ups und downs ka aber das isch völlig normal. Trotzdem chönti glücklicher nöd sie... ♡

Üsers Johr in Highlights