Jo, i weiss mir hend nöd die herzigst Kennelern-Story aller Ziite, trotzdem mueni sägä bini absolut froh das es so usecho isch und i di mini Fründin dörf nenne.
Ich weiss noch gnau, wie din Name ds erste Mal auf minem Bildschirm uftaucht isch. Zu dem Ziitpunkt hetti nie denkt das mol so viel us dem würd.
Eigentlich Hett üs die ganz Schwiiz trennt. I in Genf und du in Vilters am Gymnastikabig. Trotzdem hetts Schicksal so welle und mir hend zämä gfunde. Meh oder weniger eifach will i di mega hübsch gfunde han vom gseh her und uf Insta hani di eifach mol so agfrogt uf Snap. Zum Guete Glück hesch du mi zimlich sofort agno ka.....♡
Nach mehrere Wuche Schriibe simmer denn Zämä and Turnunterhaltig uf Sargans, hend üs aber nonid mega lang kennt. Trotzdem hani mir de ganz Obed Gedanke drüber gmacht, wie i söll wiitergoh. I han di ganz Ziit überleit, sölli- sölli id,... schlussendlich hani denn all Mine Muet zämä gno und de Arm um di gleit. Wemme jetzt so überleit, gar nüt grosses - trotzdem isches so de Schritt gsi, wo eigentlich gmacht hett, dass mir hüt überes Johr mega glücklich zämä sind. Bin so froh, dass i damals de Schritt gmacht ka han.
Jede hett de Moment ka wos eifach klick gmacht hett und de Funke absolut überegsprunge isch. Ganz detailiert chani dier das jetzt erlich gseit nüme sege aber i weiss trotzdem no relativ guet was passiert isch.
Mir sind bi dir dihei gsi - für üs beidi no mega neu und worschinlich mega nervös... zumindest i bins definitiv gsi. Zämä hemmers so lustig ka, nostop am lache, enand am ufzüche und mega lustig hemmers zämä ka. Döt weissi no wieni bim zämä Serie luege denn eifach gmerkt han, dass du die absolut richtig bisch. ♡